Линктер

шейшемби, 22-август, 2017 Бишкек убактысы 05:42

Кабулда америкалык жана австралиялык жарандар уурдалды


Ооган бийлик өкүлдөрүнүн 8-августтагы билдирүүсүнө ылайык, эки жарандын автоунаасын 7-августта кечинде Ооганстандагы Америка университетине жакын жердеги жолдо аскер кийимчен куралдуу адамдар токтотуп, өздөрүн кармап кетишкен. Уурдалгандар университеттин кызматкерлери деп аталууда.

АКШ жана Австралия бийликтери окуядан кабардар экенин жана издөө чаралары көрүлө баштаганын маалымдашты.

Эки жума мурун Индиянын кайрымдуулук фондунун кызматкери барымтадан бошотулган эле. Ал да Кабулда уурдалган болчу.

Өткөн жылы Ооганстанда уурдалган үч жаран бошотулган. Бирок апрель айында Жалалабад шаарында уурдалган австралиялык Керри Жейн Вильсондун кайда экендиги белгисиз. (AiT)

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG