Украина өкмөтү Орусия аннексиялап алган Крым менен чек ара аймагына оор техникаларды жайгаштырды. Бул тууралуу Украинанын чек ара кызматынын башчысы Виктор Назаренко “Интерфакс” агенттигине билдирди. Анын айтымында, мындай чечим “ар кандай окуяларга даяр туруу” максатында кабыл алынган.
Орусия Украинага каршы Крымда “гибриддик согуштун” жаңы баскычын баштаганын кошумчалаган Назаренко Киев Крымды карай ок атты деген орус тараптын айыптоосун четке какты.
