Жогорку Кеңеш менен Атуулдук көзөмөл комитети биргелешип өткөрүп жаткан иш-чара Конституцияга сунушталган өзгөртүүлөрдү ар тараптуу талкууга алууну көздөйт.
Тегерек столго Жогорку Кеңештин депутаттары, фракция лидерлери, бейөкмөт жана эл аралык уюмдар, саясый бирикмелердин өкүлдөрү, БШК мүчөлөрү, эксперттер жана башкалар катышмакчы. Талкуу 24-августта борбордогу “Парк-отель” мейманканасында өтмөкчү.
Жогорку Кеңештеги бир катар фракциялар тарабынан колдонуудагы Баш мыйзамды өзгөртүү демилгеси коомчулукта эки ача пикирди жаратып, бул өзгөртүүлөр президенттин бийлигин бекемдеп калууга жол ачат деген пикирлер үстөмдүк кылып келүүдө. (SDz)
