Эл аралык "Манас" аэропорту менен Бишкек шаарын туташтырган Фучик көчөсүн бойлой орнотулуп жаткан жашыл тосмолор акыркы күндөрү социалдык тармактарда кызуу талкууланып жатат. Анда тосмолорду орнотуу аркылуу шаар бийлиги көчө боюнда отурукташкан элдин жашоо-тиричилигин жеңилдетип жатабы же кемчиликтерди чет өлкөлүк коноктордон жаап-жашыргысы келип жатабы деген суроо кабыргасынан коюлууда. Эл аралык Көчмөндөр оюну, КМШ президенттеринин саммити өңдүү эл аралык ири иш-чараларын алдында башталган кан жолдогу кубулуштарга "Азаттык" да байкоо жүргүздү.