Тышкы иштер министрлигинин маалыматында Италиядагы кыргызстандыктар туурасында маалымат алуу үчүн Кыргызстандын Швейцариядагы элчилигине тапшырма берилген. Италияда Кыргызстандын элчилиги жок, аймагы боюнча Италия Швейцариядагы элчиликке карайт.
Кыргызстандын президенти Алмазбек Атамбаев 24-августтун таңында болгон жер титирөөгө байланыштуу Италия президенти Сержо Маттареллага көңүл айтты.
Алты баллдан ашык жер титирөөдөн бул өлкөдө 159 киши мерт болуп, 368 киши жарат алган. Урандылардын арасында дагы кишилер бар болушу мүмкүндүгүн айтылууда. (AzK)
