Линктер

ишемби, 19-август, 2017 Бишкек убактысы 05:58

Италиядагы жер титирөөнүн курмандыктарынын саны 240тан ашты


Италияда жер титирөөдөн кийинки издеп-куткаруу иштери уланууда.

Италиянын борбордук бөлүгүндөгү 24-августтагы жер титирөөнүн курмандыктарынын саны 240тан ашты. 400дөй адам ар кандай деңгээлдеги жаракаттарды алышты.

“Бул акыркы сандар эмес”-деп эскертти шаршембиде Италиянын премьер-министри Маттео Ренци. Бейшембиге караган түнү куткаруучулар тобу издеп-куткаруу иштерин улантышты. Урандылардын алдында дагы адамдар болушу мүмкүндүгү айтылууда. Премьер-министр жабыркаган бардык айыл-кыштактарга жардам көрсөтүлөрүн убада кылды.

Күчү 6,2 баллга жеткен жер титирөө 24-августтун таңында болгон. Баарынан катуу Аккумоли, Аматриче, Поста жана Арката-дель-Торонто шаарлары жабыркашты.

Аматриче шаарынын мэринин айтуусунда, шаардын жарымы урап калган. Жер силкинүүдөн кийинки жер көчкү да калаага бир топ зыян келтирген.

2009-жылы Италиянын Л’ Акуиле шаарында болгон күчү 5,9 баллга жеткен жер титирөө 300дөн ашуун адамдын өмүрүн алган.

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG