Фестивалда Чолпон-Ата шаарынын борбордук аймагына айкелчилер тарыхый баатырлардын элесин чагылдырган скульптураларды жасашты. Фестивалга 25 скульптор, анын ичинен Казакстан, Өзбекстандан да бедизчилер катышты. Скульптураларды жасаш үчүн 51 КамАЗ кум төгүлгөн, 20 куб жыгач тактай кеткен. Бул демилгени "Улут керемети" уюму уюштурган.
Иш-чара тарых жана маданият жылына, дүйнөлүк 2-көчмөндөр оюна карата уюштурулган.
Фестивалда жасалган эмгектердин жыйынтыгы эгемендүүлүк майрамында чыгарылып, скульпторлор сыйланышат.(AsM)
