Ысык-Көлдө бүгүн ачылышы боло турган Дүйнөлүк көчмөндөр оюнуна катышканы жана көргөнү баргандардын санитардык абалына аймактардан барган 25 дарыгер көз салууда. Бул тууралуу Саламаттыкты сактоо министрлиги маалымдады.
Ысык-Көл районунда тамак-аштын жана ичүүчү суунун тазалыгын текшере турган микробиологиялык жана химиялык лабораториялар иштеп, 421 тамак-аш түрү жана 688 бактериялар изилденди.
Азык-түлүк даярдаган 1888 кишинин саламаттыгы текшерилип, санитардык китепчелер таркатылды. Жээктеги кумдун гигиеналык акыбалы да көзөмөлгө алынууда. (BCh)
