Линктер

бейшемби, 17-август, 2017 Бишкек убактысы 15:48

Казакстандын премьер-министрлигине Бакытжан Сагынтаев дайындалды


Бакытжан Сагынтаев

53 жаштагы Сагынтаевди премьер-министрликке казак парламентинин төмөнкү палатасы – Мажлис бүгүн бекитти. Президент Нурсултан Назарбаев да өз жардыгын чыгарды.

Казакстанда өкмөт кайрадан алмашып жатканы кечээ белгилүү болгон.

Анда президент Назарбаев мурдагы премьер-министр Карим Масимовду кызматтан алып, бирок аны кайра өлкөнүн атайын кызматы - Коопсуздук комитетинин төрагалыгына дайындаган болчу.

Жаңы премьер-министр Бакытжан Сагынтаев 1990-жылдардын башында жогорку окуу жайда окутуучулук кылып, ишкерлик менен алектенген.

Бийлик түзүмүнө 1998-жылы өтүп, облус акими, министрлик кызматтарда иштеген. Назарбаевдин “Нур Отан” партиясынын төрага орун басары болгон.

2013-жылдан бери премьер-министрдин биринчи орун басары кызматын аркалачу.

Казакстанда премьер-министрдин азыркы алмашуусу да мунай баасынын арзандыгынан улам киреше азайып, өлкө экономикалык кыйынчылыктарды баштан кечирип жаткан учурга туш келди. (UE)

Сиздин пикир

пикирлерди көрсөт

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG