Улуттук коопсуздук мамлекеттик комитетинин алдында жардыруучу зат бар деген шек менен саперлор иштеп жатат. Бул тууралуу ошол жердеги окуяга күбө болгон “Азаттыктын” кабарчысы билдирди. Анын айтымында, имараттын алдында турган автоунаа жана ал жерге ташталган белгисиз баштык текшерилүүдө. Учурда имаратка жакын көчөлөр жабылган.
Бул боюнча УКМК расмий маалымат бере элек.
Бүгүн Курман айтка байланыштуу өлкөдө коопсуздук чаралары күчөтүлгөн. (BkA)
