85 жаштагы Горбачев 16-18-сентябрда Прагада боло турган Европадагы коопсуздук боюнча эл аралык конференцияга катышууну көздөп жаткан. Конференциянын уюштуруучуларынын билдирүүсүнө караганда, дарыгерлер Горбачевдун саламаттыгына байланыштуу жолго чыкпоону сунушташкан. "Горбачев" фондунун маалымат кызматы 13-сентябрда Михаил Горбачев сыркоолоп калганын, бирок 14-сентябрда кадимки режимде иштеп жатканын кабарлады. Михаил Горбачев эл аралык конференциянын башкы коногу болуп, Чехия президенти Милош Земан менен жолугушу керек эле. (AiT)