АКШнын транспорт департаменти өзү жүрө алган унаалар боюнча жаңы жобосун жарыялады. Бул кадам тездик менен өнүгүп бараткан тармакты тартипке салат деп күтүлүүдө.
Жаңы жобо айдоочусуз унааларды сыноо, алардын коопсуздугун текшерүү жана ишке киргизүү багытында жол көрсөтүүчү эрежелерди камтыйт.
Tesla Motors жана Google сыяктуу технологиялык компаниялар айдоочусуз унааларды сыноого күч үрөп келет. Tesla автопилот режиминде жүрө алган он миңдеген унаасын сатууга жетишкенин кабарлады. (KKs)
