Биринчи Май РИИБнөн “Азаттыкка” билдиришкендей, милициянын ийгликтүү операциясынын негизинде жардыргыч заттан эч ким жабыркаган жок. Милиция толук маалыматты УКМК берерин ырастоодо.
20-сентябрь күнү кечке жуук Бишкектеги Махатма Ганди–Урицкий көчөлөрүнүн кесилишинде жайгашкан муниципалдык дүкөнгө белгисиз жардыргыч зат салынган эки баштык калтырылган. Буга байланыштуу чакырылган ички иштер кызматкерлери тарабынан атайын операция жасалган. Операция учурунда Жибек-Жолу-Ленинград көчөлөрүнөн унаа жүрүүсүнө тыюу салынган.
Болжолдуу маалыматтарга ылайык, баштыктагы бир мина жарылган, дагы 2 жарылгыч зат болуусу ыктымал деген маалымат такталууда.(ZKo)
