23-сентябрдан 25-сентябрга чейин борбор калаадагы Спорт сарайында адал азыктар, аны өндүрүүчү жана тейлөөчүлөрдүн салттуу 6-жарманкеси өтөт. Иш-чаранын алкагында "Бактылуулук формуласы" демилгелүү жаштары да тамак-аш кайрымдуулук жарманкесин өткөрүшөт. Уюмдун координатору Салтанат Бообекованын “Азаттыкка” билдиргени боюнча, кайрымдуулук жарманкесинде сатыктан түшкөн каражат аз камсыз болгон үй-бүлөлөргө, майыптарга жумшалмакчы.
Жарманкеде адал азыктардын түрлөрү: ысык тамактар, кондитердик азыктар, мөмө-жемиш, суусундуктар жана башка азыктар сатылат.(ZKo)
