Линктер

ЧУКУЛ КАБАР!
26-Октябрь, 2021 шейшемби, Бишкек убактысы 08:28

Сирияда армия оппозициялык күчтөргө сокку урду


Алеппо, 23-сентябрь, 2016-жыл

Сирияда куралдуу оппозиция көзөмөлдөп жаткан аймакты бомбалоо токтобой жатканын Reuters агенттиги маалымдады. Абадан сокку урулуп жатканын жарандардын укугун коргоо боюнча Сирия борборунун мониторинги да тастыктады.

Бүгүн эртең менен Алеппонун чыгыш аймагы бомбаланды. Шаар жашоочулары өтө чоң кыйроолор болуп жатканын кабарлашууда. Укук коргоочулар жума күндөн бери токтобой жаткан соккулардан элүүгө жакын адам набыт болгонун, алардын арасында балдар да бар экенин айтышты.

22-сентябрда өкмөттүк армия оппозиция жайгашкан аймакка чабуул башталганын жарыялаган. Алгач Алеппого гуманитардык жүк менен бараткан оор жүк ташуучу унаалар аткыланган.

Мунун алдында Орусия жана АКШ ок атышууну токтотуу тууралуу келишим түзүшкөн. Тынчтык келишиминин бузулушуна АКШ Орусияны күнөөлөсө, расмий Москва бул айыптоолорду четке кагып келет. (SDz)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG