Бүгүн Бишкектеги Damas International мейманканасында Кыргызстан менен Чехиянын ишкерлер форуму өтөт. Бул тууралуу Кыргыз-орус өнүгүү фонду кабарлады. Иш-чараны аталган фонд менен Чехиянын Кыргызстандагы элчилиги уюштурган. Форумда эки өлкө ортосундагы экономикалык кызматташтык, айыл чарба, энергетика, инфраструктура багытындагы өз ара алака талкууланат.
Ошондой эле экономикалык кызматташтык боюнча долбоорлорду ишке ашыруу үчүн Чехиянын экспорттук банкы менен Кыргыз-орус өнүгүү фондунун ортосундагы меморандумга кол коюлат. (NT)
