Кыргызгидромет борбору 3-октябрга чейин мезгил-мезгили менен жаан жаап, күн күркүрөшү, тоолуу райондорго кар түшүп, айрым аймактарда жаан-чачын катуу болорун эскертет. Айрым жерлерде батыштан соккон шамалдын ылдамдыгы секундуна 18-23 метрге жетет.
3-4-октябрда Чүй облусунун тоо этектеринде, Талас өрөөнүндө жана Ысык-Көл ойдуңунун чыгышында абанын температурасы -2 градус болуп, үшүк жүрөт. Бул жашылча-жемиштер үчүн коркунучтуу.
3-октябрда түнкүсүн Ысык-Көл, Нарын облустарынын айрым жерлеринде жаан жаап, тоолуу райондорго кар түшөт. Калган аймактарда жаан-чачын болбойт. Батыштан соккон шамалдын ылдамдыгы секундасына 4-9 метрден, Ысык-Көл ойдуңунда түнкүсүн 15-20 метрге жетет.
Абанын табы:
Чүй өрөөнүндө түнкүсүн +2...+7, күндүз +13...+18,
Талас жергесинде +1...+6, күндүз+7...+12,
Ош жана Жалал-Абад аймактарында түнкүсүн +4...+9, күндүз +17...+22,
Баткен облусунда түнкүсүн +3...+8, күндүз +16...+21,
Ысык-Көл дубанында түнкүсүн +1...+6, күндүз +8...+13,
Нарын облусунда түнкүсүн -3...+2, күндүз +8...+13 градус болот.
3-октябрда Бишкек шаарында жаан-чачын болбойт. Абанын табы түнкүсүн +3...+5, күндүз +15...+17 градус жогорулайт.
