Бул тууралуу өкмөттүн Нарындагы ыйгарым укуктуу өкүлүнүн орунбасары Жаркын Ибраева билдирди. Анын айтымында, учурда облуста жалпы билим берүү мектептеринде 91 жаш мугалим башка аймактан келип иштеп жатат. Алардын ичинен өкмөттүн Нарындагы ыйгарым укуктуу өкүлүнүн тапшырмасы менен жаңы үй-бүлө курган 16 мугалимге там салууга жер бөлүнүп берилди.
Ошондой эле быйыл мугалимдер үчүн уюштурулган ар түрдүү сынактар үчүн 1 млн 600 миң сом жумшалган. Бул каражат жергиликтүү бийликтен жана демөөрчүлөрдүн эсебинен берилген.
Облустун аймагындагы 141 жалпы билим берүүчү мектепте 5770 мугалим эмгектенет. (MiK)
