Партиялаштар 4-октябрда “Азаттык” үналгысында социал-демократтар фракциянын депутаты Тууганбек Чолпонбаев тууралуу “Азаттыкка” чыккан материал менен макул эместигин билдиришти.
Караколдун КСДП фракциясынын депутаттары Чолпонбаев чындыкты бетке айткан, кайрымдуулук иштер менен алектенген адам катары сыпатташат. Депутат Бейшен Сабатаров Чолпонбаев тууралуу жарыяланган материалда адам укугун басмырлоо элементтери бар деген пикирде.
“Азаттык” 4-октябрда Каракол шаардык кеңештин депутаты Тууганбек Чолпонбаевдин жүрүм-туруму жана ага байланышкан нааразылыктар тууралуу макала жарыялаган. (AsM)
