Линктер

ЧУКУЛ КАБАР!
27-Октябрь, 2021 шаршемби, Бишкек убактысы 23:32

Артыков: курултайга бийликке жетпей калгандар барды


Парламенттеги КСДП фракциясынан депутат Анвар Артыков Конституцияны өзгөртүүгө каршы бүгүн Бишкекте өткөн курултайга туура эмес пикирдеги кишилер чогулганын "Азаттыкка" билдирди:

- Топтолгон 600 кишинин ойлору туура эмес. Жыйында Конституцияга байланыштуу жарытылуу пикир айтышкан жок. Баш мыйзамды шылтоолоп эле бийликке тийишип жатышат. Алар бийликке жетпей калган кишилер.

Курултайды оппозиция жана “Референдумга - жок” кыймылынын активисттери Бишкектеги орус драма театрында өткөрүштү. Ага “Ата Мекен” фракциясынын лидери Өмүрбек Текебаев, Аида Салянова, Азимбек Бекназаров, Чолпон Жакупова, Кеңешбек Дүйшөбаев, Элмира Ибраимова, Равшан Жээнбеков жана башка коомдук ишмерлер, саясатчылар, депутаттар катышты. Бийлик өкүлдөрү чакырылганына карабай эч ким келбегени айтылды. Жалпысынан 610 адам чогулду. Соңунда референдум өткөрүүгө каршы резолюция кабыл алынды.

Жогорку Кеңеш Баш мыйзамды өзгөртүү боюнча референдумду 4-декабрга дайындаган. Мыйзам долбоорду парламент 1-окуудан өткөргөн. Ага каршы активисттер жана саясатчылар кол топтой башташкан. (SE\BkA)

Пикирлерди көрүңүз (28)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG