"Легендарлуу парламенттин" төрагасы Медеткан Шеримкулов президент Алмазбек Атамбаев менен “Ата Мекен” партиясынын лидери Өмүрбек Текебаевди ынтымакка келүүгө чакырды. 10-октябрда Жогорку Кеңеште "Референдум жөнүндө» мыйзам долбоору боюнча парламенттик угууда Шеримкулов эки таасирдүү саясатчынын тиреши өлкөгө эч кандай пайда алып келбестигин айтты.
Атамбаев менен Текебаевдин ортосундагы кайым айтышуу бийликтин Конституцияга өзгөртүү киргизүү демилгесинен улам курчуп, бири-биринин дарегине сын айтышкан. (SE)
