Линктер

ЧУКУЛ КАБАР!
19-Октябрь, 2021 шейшемби, Бишкек убактысы 19:21

Рим Олимпиаданы кабыл алуудан расмий түрдө баш тартты


Рим шаарынын бийлиги 2024-жылы өтө турган жайкы Олимпиададан расмий түрдө баш тартты. Олимпиаданы кабыл алууга талапкерлердин сынагына Рим катышпай турганын Италиянын Олимп комитетинин башчысы Жованни Малаго билдирди. Ал мындай чечимге капа болуп жатканын, бирок башка арга жок экенин айтты:

- Формалдуу түрдө бизде дагы бир жол бар. Эгер Лацио аймагынын курамындагы 11 провинциалдык шаардын мэрлери өз атынан арыз берсе… Бирок бир көйгөй бар – эми бизге эч ким добуш бербейт. Биз ишенимден чыгып калдык.

Рим шаары олимпиаданы кабыл алуу үчүн сынакка катышуудан баш тартканын өткөн айда мэр Виржиния Раджи жарыялаган. Ал римдиктер 1960-жылкы олимпиада боюнча карыздарынан али күнчө кутула албай жүргөнүн айткан.

Римден тышкары 2024-жылкы жайкы олимпиадага талапкер деп Франциянын борбору Париж, Венгриянын баш калаасы Будапешт жана АКШнын Лос-Анжелеси аталган.

Алардын кимиси тандалат, келерки жылдын сентябрь айында белгилүү болот. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG