Баткендин Кыштут айыл аймагындагы Согмент айылына таза суу берилди. Таза суу Швейцария элчилигинин колдоосу менен ишке ашканы кабарланды. Ачылыш иш-чарасына элчи Ренэ Холенштайн да катышты. Курулуш иштерине 1 миллион 271 миң сомдон ашуун каражат сарпталган.
Кабарларга караганда, Швейцария элчилиги аймакта 10 социалдык объект курууга көмөктөшүп жатат. Демилге чыр-чатактарды басаңдатууга, чек ара жана көп улуттуу аймактарда ымала орнотууга багытталган. Аны “Эл аралык толеранттуулук үчүн” фонду ишке ашырып жатат. (JsA)