Линктер

ЧУКУЛ КАБАР!
19-Октябрь, 2021 шейшемби, Бишкек убактысы 18:44

Сойкуларды калкалайт делген милиционер иштен алынды


Сойкуларды калкалап, кесиптешине буйрук берген милиционер кызматтан алынды. Бишкек шаардык ички иштер башкармалыгынын басма сөз катчысы Олжобай Казабаев “Азаттык” радиосуна билдиргендей, аны иштен бошотуу боюнча ички иштер министрлигинин буйругу чыкты.

Кызматтан алынган Пардабай Намазбаев Свердлов райондук милициясынын №10 бөлүмүндө коомдук коопсуздукту камсыздоо бөлүгүн жетектеп келген. Анын сойку кыздардын таламын талашып, кол алдындагыларды тилдеп жатканы тууралуу видео жакында интернетке чыккан эле.

-Бул видео 15-майда тартылыптыр. Интернетке чыгып кеткенден кийин ага сөгүш берилген. Бирок коомчулукта кызуу талкуулана баштагандыктан, иштен бошотуу чечими кабыл алынды,- деди Олжобай Казабаев.

Кыргызстанда сойкуларды милиция өзү эле калкалап, алардан “үлүш” алып турары айтылып келет. (SE\BkA)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG