Ырчы Темир Назаров менен Ош шаарынын вице-мэри Нурбек Кадыровдун жаңжалы боюнча калаа милициясы иликтөө баштады. Экөөнүн мушташы тууралуу бүгүн интернетте кабарланып, вице-мэр ырчыны сабап койгону айтылган. Мындан улам Ош шаардык Ички иштер башкармалыгынын жетекчилиги окуянын чоо-жайын иликтөөгө тапшырма берди. Бул тууралуу аталган мекемеден кабарлашты.
Мушташкан тараптар күч органдарына арыз жазышкан эмес. Окуяга комментарий да берише элек.
Вице-мэр Нурбек Кадыров КСДП партиясынын мүчөсү. (SE)
