Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 16:21

Таалайбек Өмүралиевге айып тагылды


Мурдагы коргоо министри Таалайбек Өмүралиев.

Коррупцияга шектелип жаткан мурдагы коргоо министри Таалайбек Өмүралиевге айып коюлду. Экс-министр Кылмыш-жаза кодексинин 305-беренеси – “Кызматтык ыйгарым укуктардан аша чабуу” боюнча айыпталууда. Ошондой эле министрликтин Каржы башкармалыгынын мурдагы башчысына да кылмыш иши козголгон. Тергөөнү Аскер прокуратурасы жүргүзгөнүн Башкы прокуратуранын өкүлү Назик Байгазинова билдирди:

-Тергөөдө аныкталгандай, экс-министр мекеменин Каржы башкармалыгынын жетекчиси менен шерик болуп, мыйзам талаптарын бузуп, республикалык бюджеттен 5 миллион сомду максатсыз колдонууга чечим чыгарган. Бул акча башка керектөөлөргө жумшалышы керек болчу. Бирок экс-министрдин каалоосу боюнча колдонулганы аныкталды.

Былтыр УКМКнын Коррупцияга каршы күрөшүү кызматы бюджеттик каражаттарды мыйзамсыз пайдаланууга байланыштуу Коргоо министрлигиндеги жемкорлукту аныктаган.

Маалыматка караганда, Жалал-Абад облусуна аскер шаарчасын куруу үчүн мамлекеттен бөлүнгөн акча “Аскер курулуш” аркылуу жеке ишканаларга берилип, жеке кызыкчылык үчүн пайдаланылган. Буга байланыштуу мурдагы министрлер Таалайбек Өмүралиев, Абибилла Кудайбердиев жана “Аскер курулуш” ишканасынын башкы директору Куванычбек Колхожоевге кылмыш иши козголгон. Тергөө иштери уланууда. (SЕ)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG