Түштүк Кореянын Сувон шаарында көп маданияттуулукту даңазалаган фестиваль өтүп, анда кыргыздардын “Биримдик” тобу жеңүүчү болду. Бул тууралуу “Замандаш” бирикмеси кабарлады.
Маалыматка караганда, фестивалга жергиликтүү эки миңдей адам катышып, түрдүү этностордун салт-санааларын көрсөтүштү. Спорттук оюндар, маданий чыгармалар, улуттук тамак-аштар тартууланды. Ошондой эле чет элдиктерге корей коомчулугуна аралашуунун жол-жоболору тууралуу кеңештер айтылды.
Расмий кабарларга ылайык, Түштүк Кореяда азыр 14 миңден ашуун кыргызстандык бар.
