Өзгөчө кырдаалдар министрлиги билдиргендей, 2-ноябрда Баткен облусунун Кадамжай районундагы Пум айылындагы жайытта өрт чыкты. Азыр зоо үстүндөгү кургак чөп аралашкан токой күйүп жатат. Кечээ райондук токой чарба кызматкерлери ал жерге жете алышкан эмес. Бүгүн өрт өчүрүүчүлөр, токойчулар жана жергиликтүү тургундар жөнөп кетишти. Жайыт айылдан 15-20 чакырым алыстыкта жайгашып, ал жакка барчу жолдун татаалдыгы өрт өчүрүүнү кыйындатууда. (NT)
