АКШдагы шайлоонун алгачкы жыйынтыктары дүйнөлүк каржы базарындагы жана доллардын курсундагы олку-солку жагдайга себеп болду. Учурда демократтардын талапкери Хиллари Клинтон менен республикачыл Дональд Трамп өтө жакын келатат.
Талапкерлердин штаттардагы көрсөткүчү жарыяланаар замат доллар жана акциялардын баалары бирде ылдыйлап, бирде көтөрүлүп жатат.
Клинтондун айрым штаттардагы жеңиши “Уолл Стриттеги” биржаларды жарым пайызга жогорулатты. Европа биржалары 0,3 пайызга жогорураак көрсөткүч менен жабылды.
