Улуттук коопсуздук мамлекеттик комитетинин Коррупцияга каршы кызматынын жетекчиси болуп Дүйшөнбек Чоткараев дайындалды. Тийиштүү буйрукка бүгүн президент Алмазбек Атамбаев кол койду.
Мамлекет башчынын басма сөз кызматы кабарлагандай, Чоткараев аталган кызмат менен кошо Улуттук коопсуздук мамлекеттик комитетинин төрагасынын биринчи орун басары милдетин да аркалайт.
