Ислам өнүктүрүү банкы Кыргызстандын түндүгү менен түштүгүн туташтырган жолдун 24 чакырымын салууга 12 млн. доллар бөлөт. Бул тууралуу макулдашууну Жогорку Кеӊештин эл аралык иштер, коргоо жана коопсуздук боюнча комитети жактырды.
Парламенттин расмий сайты кабарлагандай, алынган насыя жаңы автожолдун 159-183-чакырымын реконструкциялоого жумшалмакчы. Насыянын негизги бөлүгүн төлөө мөөнөтү 25 жыл, анын алгачкы 7 жылы жеӊилдетилген мөөнөт болуп саналат. Насыя 1,5 пайыздуу үстөгү менен берилүүдө. (SDz)
