ӨКМнын басма сөз катчысы Элмира Шерипованын "Азаттык" радиосуна билдиришинче, Кара-Кулжа районунун Ой-Тал, Капчыгай, Кызыл-Жар айыл аймактарына электр энергиясы толугу менен берилди. Ал эми Алайкуу айыл аймагында жарык жок. Электр зымдарын калыбына келтирүү иштери уланууда.
17-ноябрда түнкүсүн Кара-Кулжада калыңдыгы бир метрге жеткен кар жаап, Ой-Тал, Кызыл-Жар, Алайкуу, Капчыгай айыл аймактарында ички жолдор жабылган, электр энергиясы өчүп калган.
19-20-ноябрда Алайкуудан башка айылдарда кезеги менен энергия калыбына келтирилди. Мындан тышкары Мырзаке-Кара-Кулжа-Алайкуу автожолуна байма-бай кар көчкү түшүп жаткандыктан жабылды. Жолду тазалоо иштери жүрүүдө. (NT)
