Иранда жүргүнчү ташыган эки поезд кагылышып, көптөгөн киши каза болду, дагы бир нечеси жараат алды. Семнан чөлкөмүндө жума күнү эртең менен болгон кырсык тууралуу Ирандын мамлекеттик телеканалы кабарлады.
Эки поездде канча киши баратканы маалымдалган жок. Кырсык борлгон жерде куткаруучулар иштеп жатат, анын себептерин иликтөө үчүн комиссия түзүлдү. Кырсык Тегерандан 400 километрдей алыстагы Шахруд шаарындагы станцияда болгон.
