Үстүбүздөгү жылы 552 кишиге өкмөттүн “Арзан турак-жай” ипотекалык компаниясы боюнча үй берилди. Бул тууралуу кыргыз өкмөт башчысы Сооронбай Жээнбеков парламентте билдирди:
-Бир айылдын эли турак-жайга ээ болуп жатат. Мынча үй-бүлөнү бир жылда үй менен камсыз кылуу оңой эмес. Тогуз кабаттуу үйдө 104 эле квартира болот.
Жээнбековдун айтуусунда, мындан ары ипотекалык насыянын пайызы 10% азаят, ал эми компания кызматкерлеринин айлык акылары кыскарат.
Өткөн отурумда ЖК депутаты Рыскелди Момбеков “Арзан турак-жай” компаниясынын кызматкерлери көп суммадагы айлык аларын, анын баары ошол ипотекалык турак-жайга врачтар менен мугалимдер төлөп жаткан кымбат үстөк пайыздын эсебинен төлөнүп жатканын айтып, нааразылыгын билдирген болчу.(ZKo)
