Линктер

ЧУКУЛ КАБАР!
20-Октябрь, 2021 шаршемби, Бишкек убактысы 14:09

Текебаев: Атамбаев реалдуу турмуштан алыстаганын көрсөттү


Өмүрбек Текебаев.

Бул тууралуу “Ата Мекен” фракциясынын Өмүрбек Текебаев “Азаттыкка” билдирди. Анын айтуусунда, президент Алмазбек Атамбаев акыркы билдирүүлөрү менен реалдуу абалдан алыстап кеткенин көрсөттү

- Атамбаев биздин аракетибизди доктор Апастын пикири менен салыштырып жатат. Ал муну менен доктор Апастан айырмасы жок экенин жана реалдуу дүйнөдөн кыйла алыстап кеткенин көрсөттү, - деди Текебаев.

"Ата Мекендин” лидери президент Атамбаевге импичмент жарыялоого толук негиз бар экенин белгилеп, бул маселе убагы келгенде парламентте караларын кошумчалады

- Импичменттин реалдуулугу саясий кырдаалдан, Атамбаевдин ошол жагдайды түшүнө билишинен көз каранды. Ал бүгүн реалдуулукту түшүнбөй, келекелеп күлүп жатат, кырдаал өзгөргөндө кандай сүйлөрүн биз көрөбүз, - деди Өмүрбек Текебаев.

Текебаев президент Кой-Таштагы жерди мыйзамсыз алганын дагы бир жолу эскертип, экономика начарлап, эл оор абалда жашап жатканда өтө чоң үй салганын “көпкөндүк” катары баалады.

Бүгүн президент Алмазбек Атамбаев Текебаевдин импичмент жарыялоо демилгесине маани бербей турганын билдирген эле.(BkA)

Пикирлерди көрүңүз (15)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG