Линктер

ЧУКУЛ КАБАР!
19-Октябрь, 2021 шейшемби, Бишкек убактысы 15:31

Кыргызстан, Казакстандын азыгы Орусияга киргизилген жок


Орусияга Кыргызстан менен Казакстандан барган 31,3 тоннадан ашык азык-түлүк киргизилбегенин Россельхознадзордун Новосибирск облустук башкармалыгынан билдиришти. Жүк «Карасук» өткөрмө бекетиндеги фитосанитардык көзөмөл бекетинде кармалган.

Кыргызстан менен Казакстандан алынып бара жаткан азык-түлүк Новосибирскиде сатылмак. Алма, лимон, бадыраң, күрүч, ит мурундун мөмөсү, өрүк данектери, жер жаңгак жана жаңгактан турган 9,842 тонналык жүктүн фитосанитардык коопсуздукту ырастоочу документтери жок болуп чыкты.

Кыргызстандан 21,5 тонна кургатылган жемиш жасалма сертификат менен ташылып бара жаткан.

Азыктарды Орусиянын аймагына киргизүүгө тыюу салынып, кайра артка кайтарылды.

Бул фитосанитардык документтеринин жоктугунан улам Россельхознадзор Орусиянын аймагына кыргыз азыктарын мурда да киргизбей койгон учурлар катталган.(ZKo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG