Премьер-министр Сооронбай Жээнбеков бүгүн бир күндүк жумушчу сапар менен Оштун Алай районунда жүрөт. Андан ары Чоң-Алай районуна өтөт.
Өкмөттүн басма сөз кызматы билдиргендей, премьер Алай районундагы Сары-Могол айылында мектептин ачылышына катышып, Гүлчө дарыясына курула турган дамбанын долбоорун көрөт.
Чоң-Алай районунун борбору Дароот-Коргон айылына курулуп жаткан оорукана менен таанышып, Кара-Тейит айылындагы Ак-Суу орто мектебин ачат. Кыргыз-тажик чек арасындагы “Карамык” өткөрүү пунктуна барып, аскерлердин абалын көрөт. Аталган чек ара бекети эң алыскы аскер объектилеринин бири болуп саналат.
Премьер-министр 7-декабрда жумушчу сапарын Жалал-Абад облусунда улантат. (SE)
