AgeNet International эл аралык геронтология тармагы Бишкекте КМШ жана Грузиядагы социалдык саясаттын баркын талдаган VIII конференцияны өткөрүүдө. Жыйында улгайган кишилердин саламаттыгына көңүл буруу жана социалдык саясат жүргүзүү жаатында түрдүү өлкөлөрдөгү аракеттер талдоого алынат. Катышуучулар үч багытка байкоо салышат:
-Улгайган адамдар жана коомдун өнүгүүсү,
-Ден соолук жана картайган кездеги бакубатчылык,
-Айлана-чөйрө жана адам өнүгүүсүн колдоо.
11-12-декабрга белгиленген конференцияга Кыргызстан, Казакстан, Өзбекстан, Тажикстан, Түркмөнстан, Грузия, Армения жана Орусиядан адистер катышуда. “Дамас” отелинде өтүп жаткан жыйындын соңунда социалдык саясатты өнүктүрүү жаатында документтер кабыл алынат. (SE)
