Алты жаштагы Муртаза Ахмади үстүнө Лионель Мессинин формасына окшош желим пакет кийип, интернетте сенсация жараткан. Ооганстандын Газни провинциясында жашаган бала 13-декабрда Дохада өзүнүн кумири, атактуу футболчу Месси менен жолугушту. Ал Катарда 2022-жылы өткөрүлө турган футбол боюнча дүйнө чемпионатына арналган иш-чарада Месси менен бирге футбол талаасына чыкты. “Эңсеген адамым менен жолугушканыма бактылуумун, ал менин кыялым болчу” деди Муртаза. Онунчу номер жазылып, пакетти футболка катары кийген Муртазага Лионель Месси чыныгы футболка белек кылган эле. (AiT)
Ооган баланын кыялы орундалып, Месси менен жолугушту
