Өкмөттүн Жалал-Абад облусундагы өкүлү Кыянбек Сатыбалдиевге дарыгерлердин берген маалыматы боюнча, уранды алдынан куткарылган кенчилердин абалы дурус. Дары-дармек жана башка тиешелүү каражаттар жетиштүү.
Кыянбек Сатыбалдиев уранды алдында калган кенчилердин маселесин көзөмөлүнө аларын, ал эми уранды алдында калып, каза болгон кенчилердин үй-бүлөсүнө материалдык жардам берилерин билдирди.
16-декабрда Таш-Көмүр шаарындагы кароосуз калган шахтыда уранды кулап, анда иштеп жүргөн төрт кишини басып калган. ӨКМдин куткаруучулары шахтерлордун бирин ошол заматта эле таап чыгышкан, экөөнүн сөөгү табылган. Дагы бир кенчи дээрлик он эки сааттан кийин, аман-эсен табылган.(ZKo)
