Ош эл аралык аэропорту ыңгайсыз аба ырайынан улам белгисиз убакытка жабылды. Калың туманга байланыштуу 23-декабрда таңкы саат төрттөн баштап учактарды кабыл алуу жана жөнөтүү токтотулду. “Манас” эл аралык аэропортунун басма сөз кызматы бул тууралуу кабарлап, Орусиядан Ошко учуп келаткан учактар Бишкекке конууга аргасыз болгонун маалымдады.
Аэропорт жетекчилиги жүргүнчүлөрдөн бул ыңгайсыздык үчүн кечирим сурап, толук маалыматты 0 3222 90101 телефонунан алууну белгилейт. (SE)
