Линктер

ЧУКУЛ КАБАР!
27-Октябрь, 2021 шаршемби, Бишкек убактысы 04:38

Жер пайдалануу мыйзамына сунушталган өзгөртүүлөр талкууланат


Бишкектин борбордук аянты.

Бүгүн "Жер пайдалануу тармагындагы" мыйзамдарга сунушталган өзгөртүүлөр боюнча парламенттик угуу болот. Аны Жогорку Кеңештин Агрардык саясат, суу ресурстары, экология жана аймактык өнүктүрүү боюнча комитети уюштурууда.

Талкууда «Айыл чарба багытындагы жерлерди башкаруу», «Ош шаарынын макамы», «Борбордун макамы», «Жергиликтүү өз алдынча башкаруу», «Жер тилкелерин трансформациялоо жөнүндө» мыйзамдарга, Токой, Турак-жай, Жер кодекстерине өзгөртүү киргизүүнү сунуштаган. Өкмөт аталган мыйзамдарга өзгөртүү киргизүү боюнча 2015-жылдын 27-октябрда токтом кабыл алган.

Айрым укук коргоочулар документ кабыл алынып калса, бийлик мамлекеттин жана коомдун муктаждыктары үчүн мыйзамга такап жарандардын үйлөрүн тартып алат деген пикирлерин билдирип келишет. Буга чейин мыйзам долбоорун кабыл албоо талабы менен Бишкекте нааразылык акциясы да өткөн.

“Ата Мекен” фракциясынын лидери, депутат Өмүрбек Текебаев да Бишкекте башкы план боюнча ири комплекстер курула турган жерлерде майда-чүйдө үйлөр салынып жатканын айтып, борбордун архитектуралык көрүнүшүн оңдоо керек деген негизде жер пайдалануу мыйзамына өзгөртүү киргизүү демилгеси менен чыккан. Бишкек шаарындагы тарыхый борборду реконструкциялап, жеке менчик үйлөрдү мамлекет эсебине алуу керектигин билдирген. (NT)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG