Оштун прокуратурасы Өзгөндүн архитектура жана шаар куруу башкармалыгынын жетекчилерине кылмыш ишин козгоду. Бул тууралуу Башкы прокуратуранын маалымат кызматынан кабарлашты. Маалыматка ылайык, аталган жарандар бүткөрүлө элек имараттарга жасалма документ жасап, анын негизинде 200 миң сомдон ипотекалык насыя алган. Мындай мыйзамсыз аракеттери үчүн Кылмыш кодексинин ”Кызматтык жасалмалуулук” жана “Алдамчылык” беренелери боюнча иш козголуп, тергелип жатат.(BkA)
