Пакистанда электр зымын тартуу үчүн Кытай 1 жарым млрд доллар сарптайт. Пакистан бийлигинин маалыматы боюнча 4 миң Мегаватт кубаттуу электр линиясы өлкөнү туташтырган биринчи линия болмокчу. Жаңы электр зымы түштүктөгү Матария регионун Лахордогу жаңы электр станциясы менен туташтырат. 30-декабрда Бээжинде тийиштүү келишимге эки тараптын өкүлдөрү кол койду. Пакистан электр кубаты жетишпей жабыркаган өлкөлөрдөн. Бул энергетикалык долбоор 55 млрд доллар деп бааланган Кытай-Пакистан экономикалык коридор стратегиясынын алкагында аткарылат. (AiT)