Линктер

ЧУКУЛ КАБАР!
20-Октябрь, 2021 шаршемби, Бишкек убактысы 22:44

“Өнүгүү” Бишкек мэрлигине Нурдин Абдылдаевдин талапкерлигин көрсөттү


Бишкек шаары.

Бишкек шаардык кеңешинде оппозицияда калган “Өнүгүү-Прогресс” фракциясы борбор башчылыгына Нурдин Абдылдаевдин талапкерлигин көрсөтөт.

Бул тууралуу “Азаттыкка” аталган фракциянын лидери Таалайбек Сариев билдирди.

Анын айтуусунда, шаар башчысынын шайлоосу альтернативалуу негизде өтүшү керек.

Буга байланыштуу фракция өз программасын ишке ашырчу талапкер катары Абдылдаевди көрсөтүүдө.

52 жаштагы Нурдин Абдылдаев буга чейин Жогорку Кеңештин депутаты, Ысык-Көл облусунун губернатору болуп иштеген.

Буга чейин калаа кеңешиндеги КСДП, “Республика-Ата Журт” жана “Кыргызстан” фракциялары учурдагы мэр Албек Ибраимовдун талапкерлигин кайрадан көрсөтүп чыккан.

Шаар мэринин шайлоосу 11-январда өтөт.

Бишкек шаардык кеңеши КСДП, “Республика-Ата Журт”, “Кыргызстан”, “Өнүгүү-Прогресс” жана “Мекеним Кыргызстан” фракцияларынан куралган.(BkA)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG