Премьер-министр Сооронбай Жээнбеков бүгүн электрондук мамлекеттик тейлөөнү жана сервис тутумун киргизүү боюнча жумушчу кеңешме өткөрдү. Пилоттук долбоордун бетачарын Маалыматтык технологиялар жана байланыш мамлекеттик комитетинин төрагасы Бакыт Шаршембиев сунуштады.
- Жарандардын мамлекеттик тейлөөгө ишенимин калыбына келтирүү, коррупцияны азайтуу максатында ушул жылдын биринчи кварталында аталган тутумду ишке киргизүү зарыл. Бизнес-коомчулуктун өкүлдөрү жана катардагы жарандар электрондук форматка өтүүдөгү оңдуу өзгөрүүлөрдү сезүүсү керек, – деди өкмөт башчы.
Электрондук мамлекеттик тейлөөнү ишке киргизүү үчүн «Түндүк» системасы түзүлгөн. Системанын базасында азыркы тапта 8 мамлекеттик орган тарабынан көрсөтүлгөн 21 электрондук тейлөө тесттик режимде иштейт. Жакын арада дагы 20 мамлекеттик тейлөө системага киргизилет. (SDz)
