АКШнын шайланган президенти Дональд Трамп президент Барак Обаманын саламаттыкты сактоо тармагын реформалоону көздөгөн Obamacare долбоорун артка чакыртаарын билдирди. Ал президент болуп шайлангандан берки алгачкы маалымат жыйынында бул долбоорду “алаамат” деп атап, министрлер кызматка киришери менен план иштелип чыгаарын, натыйжада Obamacare долбоору дароо алмаштырылаарын белгиледи.
“Бул долбоор демократтардын маселеси. Биз аны артка чакыртуу менен аларга жакшылык кылып жатабыз”,-деди Трамп.
Шайланган президент жаңы медициналык долбоору дагы арзаныраак жана сапаттуураак болоорун кошумчалады.
