Кыргызстанда “Көмүскө өкмөт” аттуу кыймыл түзүлүп жатат. Бул тууралуу “Азаттыкка” уюштуруучулардын бири, “Таза Кыргызстан” партиясынын төрагасы Марат Иманкулов билдирди.
Анын айтуусунда, аталган кыймыл саясий олку-солкулукка жол бербөө максатын көздөйт. Терроризм, экстремизм жана бейпилдикке доо кетирүүчү башка күчтөргө байкоо салып, алдын алуу иштерин жүргүзүүдө мамлекеттик органдарга жардам беришмекчи.
-Биздин кийлигишүүбүз Конституция уруксат берген эрежелер менен гана жүрөт. Андан тышкары, болуп жаткан окуялар тууралуу коомчулукка ачык-айкын кабарлап турабыз.
Марат Иманкулов кыймыл мүчөлөрүнүн санына чектөө коюлбай турганын, ага жеке адамдар жана саясий топтор кирсе болорун билдирди. (SE)
