АКШ долларынын сомго карата катышын туруктуу кармап туруу үчүн Улуттук банк 12-январда 5,8 млн долларды акча базарына чыгарды.
Мындан эки мурда 10-январда башкы банк тарабынан 11,850 млн доллар акча базарына чыгарылган болчу.
Кыргызстанда доллардын сомго катышы күн өткөн сайын жогорулоонун үстүндө. Улуттук банктын көрсөткүчү боюнча, бүгүн 1 АКШ доллары 69,49 сом. Ал эми акча алмаштыруучу жайларда жана коммерциялык банктарда 69,70 сомдон сатылууда.
Өткөн жылы январь айында АКШ доллары 74 сомго чыгып, кайра төмөндөгөн.(ZKo)
