Бүгүн Бишкектеги #2 төрөт үйү капиталдык ремонттон кийин ачылганын Саламаттык сактоо министрлиги кабарлады. Былтыр 11-ноябрда жылытуу системасынын бузулушунан улам аталган төрөт үйү жабылып, толугу менен кайра 2,5 миллион сомго оңдолуп түзөлдү.
Балдар бөлүмү, реанимация, операциялык залдар, балдарды жана энелерди чыгаруучу бөлмөнүн ремонтун жеке ишкерлер каржылады. Ошондой эле 2 кондиционер, бир аба тазалоочу генератор коюлду. Бул оорукананын имараты 1962-жылы курулган. (BCh)
